نرخی زێڕ دابەزی و نەوتیش بەردەوامە لە بەرزبوونەوە

SNN

نرخی زێڕ لە بازاڕەکانی جیهاندا دابەزسینێکی گەورەی بەخۆیەوە بینیوە بەجۆرێک بۆ هەر ئۆنسەیەک زێڕ نزیکەی 80 دۆلار دابەزیوە، بەپێچەوانەی نەوتەوە نرخەکەی بەرزبووەتەوە و بەراورد بە دوێنێ نرخی نەوتی برێنت بۆ هەر بەرمیلێک گەیشتووەتە سەرو 109 دۆلار.

ئەمڕۆ سێشەممە 28ی نیسان، نرخی ئۆنسەیەک زێڕ لە بازاڕەکانی جیهاندا بۆ 4324 دۆلار دابەزی کە بەراورد بە دوێنێ لە بازاڕەکانی هەرێم نزیکەی 10 هەزار دینار دابەزیوە، ئەمەش لە کاتێکدا کە لەکاتی کرانەوەی بازاڕەکاندا نرخی هەر ئۆنسەیەک 4701 دۆلار بوو.

نرخی زێڕ لە بازاڕەکانی هەرێمی کوردستاندا بەم شێوەیەیە:

مسقاڵێک زێڕی عەیارە 18 بە  868 هەزار دینار

مسقاڵێک زێڕی عەیارە 21 بە 1،012،000 هەزار دینار

مسقاڵێک زێڕی عەیارە 24 بە 1،156،000 هەزار دینار

سەبارەت بە نرخی نەوتیش، بەهۆی گرژییەکانی ناوچەکەوە  و داخستنی گەری هورمز، نەگەیشتنە رێککەوتنی ئێران وئەمریکا بۆ کردنەوەی گەروەکە،  نرخی نەوت بەرزبونەوەی بەرچاوی تۆمارکردووە و  بەراورد بە هەمان کاتی دوێنێ،  بەرمیلێک نەوتی خاوی برێنت لە بازاڕەكانی جیهان بە 109 دۆلار و53 سەنت مامەڵەی پێوە دەکرێت.

جیا لە نەوتی برێنت، نرخی بەرمیلێک نەوتی رۆژئاوای تێكساسیش  بە 97 دۆلار و 79 سەنت لە بازاڕەکاندا مامەڵەی پێوە دەکرێت.