عەلی حەمە سەعید-SNN
لەگەڵ ئەوەی بە شاهیدی سەرجەم نەتەوەجیاوازەكانی ناو كەركوك ئەو خزمەتەی كە ڕێبوار تەها لەماوەی پارێزگاری كەركوك بەو شارەی كردووە لەمێژوودا وێنەی نەبووە، بەڵام بەوتەی چالاكوانانی ئەو شارە، ڕاكردوویەكی وەك شاخەوان عەبدوڵا بەدەمپیسی خۆی ناتوانێت لە پێگەی ڕێبوار تەها و یەكێتی كەمبكاتەوە.
ئارێز محەمەد، یەكێك لە چالاكوانانی كەركوك بە SNNی ڕاگەیاند: لەوەی كەركوك لەدەستی ڕژیچمی لەناوچووی بەعس ڕزگار كراوە بەردەوام پێگەی جەماوەی یەكێتی ڕوو لەبەرزی بووە و بە پێچەوانەی پارتی كە هەمیشە پیلانی دژی خەڵكی ئەو شارە داڕشتووە و بەو هۆیەشەوە پێگەیان بەرەو لاوازی چووە و خەریكە شتێك نامێنێت بە ناوی پارتی لە كەركوك جگە لەوەی كۆمەڵێك كاسە لێس كە كاریان كۆیلایەتییە و لەسەر خەڵكی كەركوك و بەناوی كورداییەوە خوێنی كەركوكییەكانیان مژیوە لە نمونەی ئەو كەسەی نەیتوانی ببێتە جێگری سەرۆكی پەرلەمان و كەس متمانەی پێنەبوو.
ئاماژەی بەوەشكرد، ئەوەی ئێستا بەناو بەرپرسانی پارتی باسی ڕێبوار تەها دەكەن و بە خوێن مژ ناوی دەهێنن، ئەوە دەبێتە پەڵەیەكی ڕەش بەناوچاوانی ئەو كەسانەی كە ماوەیەكی زۆرە خوێنی كەركوكییەكانیان كردووەتە قوربانی حەز و ئارەزووەكانی خۆیان و لە دوورەوە سەیری كەركوك دەكەن و بێئاگان لەوەی كە ئەو ڕێبوار تەهایە چی كردووە بۆ خەڵكی كەركوك بە پارتییەكانیشەوە.
ئەو چالاكوانەی شاری كەركوك ئەوەشی خستەڕوو، ئێستا پێگەی پارتی لەناو كەركوك و دەوروبەری بەتەواوی لاواز بووە، چونكە هەمووان ئەوەیان بۆ ڕوونبووەتەوە كە سەردەمی قسەكردن بەسەر چووە و خەڵك كردایی دەوێت، لەوەی پارتی هەبووە تەنها قسەی هەبووە و كرداری نەبووە، ئەوە یەكێتیە كە بە كردار سەڵماندوویەتی خەمخۆر و خزمەتكاری خەڵكی كەركوكەو لەكاتی تەنگانەدا بەتەنها جێی نەهێشتوون.
