هێڵی ئاسمانیی عێراق دەستپێکردنی گواستنەوەی حاجیانی بۆ سعودیە ڕاگەیاند

SNN –

ئەمڕۆ هەینی، هێڵی ئاسمانیی عێراق دەستپێکردنی پلانی گواستنەوەی حاجیانی عێراقی بۆ شانشینی عەرەبی سعودیە لە ڕێگەی ئاسمانییەوە ڕاگەیاند.

بەگوێرەی ڕاگەیەندراوێکی وەزارەتی گواستنەوەی عێراق، یەکەم گەشتی هێڵی ئاسمانیی عێراق بە سەرکەوتوویی لە فڕۆکەخانەی نێودەوڵەتی بەسرەوە بەرەو فڕۆکەخانەی نێودەوڵەتی “ئەمیر محەمەد بن عەبدولعەزیز” لە مەدینەی منەوەرە ئەنجامدرا.

وەزارەتەکە ئاماژەی بەوەشکردووە، ئەم گەشتانە لە چوارچێوەی پلانێکی گشتگیر و بەرنامەیەکی تۆکمەی گەشتە ئاسمانییەکاندا دێت، کە بە هەماهەنگیی تەواو لەگەڵ “دەستەی باڵای حەج و عومرەی عێراق” داڕێژراوە.

ئامانج لەم پلانە، دڵنیابوونە لە ئاسانکاری و ڕێکخستنی هاتووچۆی حاجیان بەپێی خشتەیەکی کاتیی ورد، تاوەکو حاجییان بە ئاسوودەیی و لە کاتی دیاریکراودا بگەنە کێڵگە پیرۆزەکان و ئەرکەکانی حەج ئەنجام بدەن.