پارتی خۆیان دەگەڕانەوە بەغدا، بەڵام ویستیان بیكە نبە منەت بەسەر عەلی زەیدییەوە

عەلی حەمە سەعید-SNN

دوای ئەو شكستەی كە پارتی بەدەستی هێنا لەوەی نەیتوانی ڕكابەری كاندیدەكەی یەكێتی بكات بۆ وەرگرتنی پۆستی سەرۆككۆمار، پارتی بڕیاری كشانەوەیدا لە بەغدا، لەچاوەڕوانی ئەوەدابوون كە هێزە عێراقییەكان تەكلیف لەپارتی بكەن بۆ گەڕانەوەیان، بەڵام ئەوە ڕووینەدا، ئێستا خۆیان بڕیاریانداوە بگەڕێنەوە بەڵام ئەیكەن بە منەت بەسەر عەلی زەیدییەوە.

بەگوێرەی ئەو زانیارییانەی كە لە بەغداوە بە SNNدراون ئەوە خراوەتەڕوو، راكسیۆنی پارتی لە پەرلەمانی عێراق ئاگاداركراونەتەوە كە لە نزیكترین كاتدا دەگەڕێنەوە دەگەڕێنەوە ناو كۆبوونەوەكانی پەرلەمان، ئەوەش دوای ئەوەی ئەمڕۆ عەلی زەیدی كاندیدی ڕاسپێراو بۆ پێكهێنانی حكومەت سەردانی هەولێری كرد، پارتی ئەوە بە دەرفتە دەزانێت كە گەڕانەوەیان بۆ بەغدا ببستنەوە بەو سەردانەی ناوبراوەوە.

ئاماژەی بەوەشكرد، پارتی خۆیان تامەزرۆی گەڕانەوەبوون بۆ بەغدا، بەڵام نەیاندەزانی چۆن و بە چ شێوازێك بگەڕێنەوە، لەوە دەترسان پێیان بوترێت، ” سوار بوون عەیبێك و دابەزین دوو عەیب” بەڵام ئەم سەردانەی زیدییان بە باشترین دەرفتە زانیوە كە لەدوای كۆتایی هاتنی سەردانەی بۆ هەرێم پارتیش بڕیاری گەڕانەوە بدات بۆ بەغدا.

هەر لە زانیارییەكانی SNNئەوەشهاتووە كە پارتی توشی شۆك بوون لەوەی كە چاوەڕێی ئەوەیان دەكرد هێزوو لایەنە سیاسییەكانی عێراق تەكلیف لە پارتی بكەن بۆ گەڕانەوەیان بۆ بەغدا، بەڵام ئەوە ڕووینەدا و بەڵكوو زۆر ئاسایی بوو بەلایانەوە كە پارتی لە پرۆسەی سیاسی بكشێتەوە و هیچ لە مەسەلەكە ناگۆڕێت، بۆیە بەرپرسانی پارتی دەیانەوێت زوو فریای خۆیان بكەون و بەهر جۆرێك بێت بگەڕێنەوە بەغدا.