SNN-
بافڵ جەلال تاڵەبانی، سەرۆکی یەکێتیی نیشتمانیی کوردستان، بەبۆنەی سەرکەوتنی مێژوویی یانەی ئامەدسپۆر بۆ خولی سوپەری تورکیا، پەیامێکی پیرۆزبایی ئاراستەی یاریزانان و هاندەرانی ئەو یانەیە دەکات و ڕایدەگەیەنێت، ئەم دەستکەوتە جێگەی شانازی و دڵخۆشییە.
پیرۆزبایی لە یانەکە
بافڵ جەلال تاڵەبانی لە پەیامەکەیدا دەڵێت: “پڕ بەدڵ پیرۆزبایی لە ئەندامان، دەستەی ڕاهێنەران و هاندەرانی یانەی ئامەدسپۆر دەکەم، بەبۆنەی ئەم سەرکەوتنە گەورەیەتان بۆ خولی سوپەری تورکیا.”
بەرهەمی ماندووبوونی چەندین ساڵە
سەرۆکی یەکێتی ئاماژە بەوە دەکات کە ئەم هەنگاوە لە خۆڕا نەهاتووە، بەڵکو ئەنجامی تێکۆشانێکی زۆرە و دەڵێت: “گەیشتن بە خولی سوپەری تورکیا، بەرهەمی هەوڵ و ماندووبوونی چەندین ساڵەتانە، کە بووەتە جێگەی دڵخۆشی هەموومان.”
هیوای بەردەوامی بۆ یانەکە
لە کۆتایی پەیامەکەیدا، بافڵ جەلال تاڵەبانی دووبارە پشتیوانی و خۆشحاڵیی خۆی بۆ یانەی ئامەدسپۆر دەربڕی و هیوای خواست ئەم سەرکەوتنە ببێتە دەستپێکی دەستکەوتی گەورەتر لە داهاتووی وەرزشیی یانەکەدا.
