ترەمپ: ئەگەر لەگەڵ ئێران ڕێکنەکەوین پەنا بۆ پڕۆژەی ئازادی پڵەس دەبەین

SNN-

دۆناڵد تڕەمپ، سەرۆکی ویلایەتە یەکگرتووەکانی ئەمریکا، جارێکی دیکە هۆشدارییەکی توند ئاراستەی کۆماری ئیسلامی ئێران دەکات و ڕایدەگەیەنێت، ئەگەر هەوڵەکان بۆ کۆتاییهێنان بە شەڕ لە ڕۆژهەڵاتی ناوەڕاست شکستیان هێنا، واشنتۆن ستراتیژییەکی سەربازی و سیاسی جیاواز دەگرێتەبەر.

تڕەمپ لە کۆشکی سپی بە ڕۆژنامەنووسانی ڕاگەیاند: “پێویستە تەواوی ڕێککەوتنەکان واژۆ بکرێن و کێشەکان یەکلایی ببنەوە، ئەگەر نا ئێمە بە ڕێگایەکی جیاوازدا دەڕۆین.” سەرۆکی ئەمریکا ئاماژەی بە ئەگەری گەڕانەوە بۆ پڕۆژەی «ئازادی» کرد، بەڵام جەختی کردەوە کە ئەمجارە پڕۆژەکە پەرەی پێدراوە و ناوی ئازادی پڵەس  دەبێت.

تڕەمپ وردەکاری زیاتری لەسەر سروشتی ئەو “شتی زیادانە” نەخستە ڕوو کە بۆ پڕۆژەکە زیاد کراون، بەڵام چاودێرانی سیاسی پێیان وایە ئەمە ئاماژەیە بۆ زیادکردنی فشارە سەربازییەکان و ئەگەری بەکارهێنانی تەکنەلۆژیای نوێی بەرگری لە ململانێکاندا.