تەقینەوەیەكی گەورە لە ئیسرائیل ڕوویدا
SNN-
تەقینەوەیەكی گەورە لەناو كۆگایەكی بزوێنەری موشەك لە ناوچەی بێت شێمێشی رۆژئاوای قودس ڕوویدا
میدیاكانی ئیسرائیل رایانگەیاندووە، تەقینەوەكە لەناو كۆمپانیای تۆمەری نیشتمانی ئیسرائیل ڕوویداوە كە بزوێنەری موشەكەكانی سیستمی بەرگریی ئارۆ دوو سێ بەرهەمدێنێت بۆ بەرپەرچدانەوەی موشەكە بالیستییەكانی ئێران.
هەرچەندە دەسەڵاتدارانی ئیسرائیل باسیان لەوە كردووە، تەقینەوەكە كۆنترۆڵ كراو بووە، بەڵام میدیاكانی ئیسرائیل گومانیان خستووەتە سەر ڕووداوەكە، بەوپێیەی ئاگاداركردنەوەی پێشوەختە بۆ دانیشتوانی ناوچەكە نەبووە.
رۆژنامەی مەعاریفی ئیسرائیلی دەڵێت، پێدەچێت بەشێك لە راستییەكان لە خەڵك بشاردرێنەوەو ئەگەری زۆر هەیە لە كاتی گواستنەوەی تەقەمەنی یان كەرەستەی سەربازیدا كێشەیەك ڕوویدابێت.
