ئەمریکا بۆ داماڵێنی چەکی گرووپەکانی ناو عێراق پلانی داڕشتووە

SNN

رۆژنامەی “الشرق الاوسط” لە زاری بەرپرسانی عێراقەوە ئاشكرایكردووە، ئەمریکا پلانێکی قۆناغبەندی بۆ هەڵوەشاندنەوەی هێزەکانی حەشدی شەعبی لە عێراق داڕشتووە، کە سەرەتا بە داماڵینی چەکی قورس و دوورخستنەوەی سەرکردەکانی گرووپەكان و دانانی ئەفسەرانی پیشەیی بۆ سەرپەرشتیکردنی ژێرخانی دەستەكە دەستپێدەکات.

بە گوێرەی رۆژنامەكە، ئاشکراکردنی رووخساری پلانەکە کە لەلایەن بەرپرسانی بەشداربوو لە گفتوگۆ تەکنیکی و سیاسییەکان سەبارەت بە داهاتووی هێزەكانی حەشەدی شەعبی هاوکات بووە لەگەڵ سەردانێکی دیڤید پێترایۆس جەنەراڵی خانەنشینکراوی ئەمریکی هەفتەی رابردوو بۆ بەغدا، کە وەک “شارەزایەکی سەربەخۆ” کار لەسەر پلانی جێبەجێکردنی داماڵینی چەک لە عێراق دەکات.

ئاماژە بەوەکراوە، پێترایۆس پێنج رۆژی لە بەغدا بەسەر بردووە و لەو ماوەیەدا لەگەڵ بەرپرسانی باڵای عێراق کۆبووەتەوە، چارەنوسی چەکدارانی حەشدی شەعبی لە چەقی گفتوگۆ جدیيەكاندا بووە.

لە بەرامبەردا، ئێران داوای لە گرووپە هاوپەیمانەكانی لە بەغدا کردووە کە دژی ئەو هەنگاوەی ئەمریکا بووەستن کە ئامانجی هەڵوەشاندنەوەی گەورەترین هێزی سەربازییە کە گەرەنتی بەرژەوەندییەکانی دەکات لە ناوچەکەدا.