حکومەتی هەرێمی کوردستان پشووی رۆژانی جەژنی راگەیاند

SNN-

فەرمانگەی میدیا و زانیاریی حکومەتی هەرێمی کوردستان، بەبۆنەی هاتنی جەژنی قوربانی پیرۆزەوە، پشووی فەرمی لە سەرجەم دامودەزگا و دامەزراوە حکومییەکاندا ڕاگەیاند.

بەگوێرەی ڕاگەیەندراوەکەی فەرمانگەی میدیا و زانیاری، پشووەکە لە ڕۆژی سێشەممە (26ی ئایاری 2026) دەستپێدەکات و تاوەکو ڕۆژی شەممە (30ی ئایاری 2026) بەردەوام دەبێت.

حکومەتی هەرێمی کوردستان ئاماژەی بەوەش کردووە، پشووەکە سەرجەم فەرمانگە و دامودەزگا فەرمییەکان دەگرێتەوە، بەڵام بۆ ڕێگریکردن لە پەککەوتنی کارووباری هاوڵاتییان، لە فەرمانگە خزمەتگوزارییەکاندا دەوام بەشێوەی ئێشکگری  بەردەوام دەبێت.

لە کۆتایی ڕاگەیەندراوەکەدا هاتووە،  ڕۆژی یەکشەممە (31ی ئایاری 2026) دەوامی فەرمی لە سەرجەم دامودەزگاکانی هەرێمی کوردستاندا دەستپێدەکاتەوە.