مارکۆ رۆبیۆ: دەبێت گەرووی هورمز بە هەرشێوەیەک بێت بکرێتەوە

SNN

مارکۆ روبيۆ، وەزیری دەرەوەی ئەمریکا لە پەیوەندییەکی تەلەفۆنیدا لەگەڵ سێرگی لاڤرۆڤ، وەزیری دەرەوەی ڕووسیا، تاوتوێی پێشهاتەکانی ئێرانیان کردووە و وتوویەتی “دەبێت گەرووی هورمز بەهەر شێوەیەک بێت بکرێتەوە”.

ماركۆ رۆبیۆ وەزیری دەرەوەی ئەمریکا لەناو فڕۆكەدا كە بەرەو شاری جایبوری هندستان بەڕێكەوتبوو رایگەیاند، دەبێت گەروەكان كراوە بن و بە هەر شێوەیەكیش بێت دەبێت گەروی هورمز بكرێتەوە، وتوویەتی، “دانوستان لەسەر رێككەوتن لەگەڵ ئێران بەردەوامە”.

ئاماژەی بەوەکردووە، ئەمریکا هەوڵ دەدات لە ڕێگەی دانوستانەوە کۆتایی بە جەنگ بهێنێت و پێدەچێت داڕشتنی بڕگەكانی ڕێککەوتنەکە چەند ڕۆژێک بخایەنێت.

ئاشکرایکردووە، دوێنێ هەندێک گفتوگۆ لە قەتەر بەڕێوەچوون و سەبارەت بە دەقە سەرەتاییەکانی ڕێککەوتنەکەش گفتوگۆی زۆر لە نێوان لایەنەکاندا هەیە. سەبارەت بە جموجوڵی ئاویش، وەزیری دەرەوەی ئەمەریکا هۆشداری دا و وتی: “پێویستە گەرووەکان کراوە بن و بە هەر شێوەیەک بێت کراوە دەمێننەوە.”