هۆکاری دواکەوتنی بڵاوکردنەوەی لیستی مووچە راگەیەنرا

SNN

تاکو ئێستا لیستی مووچە رانەگەیەنراوە ئەمە لە کاتێکدایە بەغدا 890 ملیار دیناری بۆ بەغدا ناردووە و هەرێمیش ئەو بڕە بە کەم دەزانێت و رایدەگەیەنێت کە نزیکەی 70 ملیار دیناری کەمە.

بەگوێرەی زانیارییەکان، دوای ئەوەی وەزارەتی دارایی هەرێم دوێنێ بڕی 50 ملیار دیناری بۆ بەغدا نارد، دارایی عێراق بڕی 890 ملیار دیناری بۆ مووچە ناردووە و بەهۆی کەمی بڕەکەیەوە دارایی هەرێم لیستی مووچەی تا ئێستا رانەگەیاندووە.

نزیکەیسەبارەت بە هۆکاری رانەگەیاندنی لیستی مووچە، سەرچاوەیەک لە وەزارەتی دارایی هەرێم ئاشکرایکردووە، بەغدا داوای 120 ملیار دیناری داهاتی نانەوتی کردووە بەڵام دارایی هەرێم تەنها 50 ملیار دیناری ناردووە و باقی 120 ملیار دینارەکەی لە کۆی مووچە بردووە کە 70 ملیار دینارە.

ئاماژە بۆ ئەوە کراوە، وەزارەتی دارایی عێراق کاتێک ئامادەیە گوژمەی دیکەی پارە مووچەی مانگی ئایار بنێرێت ئەو کاتە دەبێت کە وەزارەتی دارایی هەرێم ئەو بڕە پارەی کە لە داهاتی نانەوتی نەیناردووە بۆ بەغدای بنێرێت کە بڕەکەی 70 ملیار دینارە، بەوپێیەش بێت تاکو ئێستا روون نییە ئەمڕۆ لیست رادەگەیەنرێت و مووچە دەدرێت یان دەکەوێتە دوای جەژنەوە.