ئەسۆشێتد پرێس: واشنتن پێویستی بە چەندین ساڵە بۆ پڕکردنەوەی کۆگای ئەو چەکە پێشکەوتووانەی لە شەڕی دژ بە ئێراندا بەکاریهێناون

SNN –

ئاژانسی “ئەسۆوشێتد پرێس”ی ئەمریکی لە ڕاپۆرتێکی بەپەلەدا ڕایگەیاند، ویلایەتە یەکگرتووەکانی ئەمریکا ڕووبەڕووی قەیرانێکی درێژخایەن دەبێتەوە و پێویستی بە چەندین ساڵ دەبێت بۆ دووبارە پڕکردنەوەی کۆگاکانی چەک و تەقەمەنییە پێشکەوتووەکانی.

بەپێی زانیارییەکانی ئاژانسەکە، ئەو چەک و سیستمی بەرگرییە زیرەکانەی کە سوپای ئەمریکا لە ماوەی ڕابردوودا لە شەڕ و ڕووبەڕووبوونەوە سەرلەبەرییەکانیدا دژ بە هێز و بریکارەکانی ئێران لە ناوچەکەدا بەکاریهێناون (بەتایبەت لە دەریای سوور و دەوروبەری)، بووەتە هۆی داخرانی بەشێکی زۆری کۆگا ستراتیژییەکانی پێنتاگۆن.

ڕاپۆرتەکە ئاماژە بەوەش دەکات کە بەهۆی سنوورداری هێڵەکانی بەرهەمهێنانی سەربازی لە ناوخۆی ئەمریکادا، قەرەبووکردنەوەی خێرای ئەم چەکە مۆدێرنانە و گەڕانەوەیان بۆ ئاستی پێش شەڕ، پرۆسەیەکی ئاڵۆزە و پێویستی بە کاتێکی زۆر دەبێت کە ڕەنگە بگاتە چەند ساڵێک.