ترەمپ: تواناکانی ئێران کەمیکردووە

SNN

دۆناڵد ترەمپ، سەرۆکی ئەمریکا ڕایگەیاند کە ئێران ئێستا خاوەنی تەنها 21 بۆ 22%ـی  جبەخانە موشەکییەکەیەتی، و ئاماژەی بەوەکرد کە ئەو هێرشانەی كە لە ماوەی مانگەکانی ڕابردودا بەریکەوتون، تواناکانی بە شێوەیەکی بەرچاو کەمکردوەتەوە.

دۆناڵد ترەمپ لە چاوپێکەوتنێکدا لەگەڵ بەرنامەی “میت زە پرێس” لە تۆڕی “ئێن بی سی نیوز” رایگەیاندووە، تاران هێشتا ژمارەیەک موشەک و فڕۆکەی بێفڕۆکەوانی پاراستوە، بەڵام پێیوابو کە تواناکانی ئێستای بەراورد ناکرێت بەوەی پێش دەستپێکردنی ڕوبەڕوبونەوە سەربازییەکە هەیبو.

ئاماژەی بەوەکردووە، “هەندێک موشەک و هەندێک فڕۆکەی بێفڕۆکەوانیان هەیە. لە ڕوی ڕێژەی سەدییەوە، ڕەنگە لە نێوان 21 بۆ 22%ـی موشەکەکانیان بێت. ئەمانە موشەکی زۆرن، بەڵام وەک سەرەتا نین کاتێک هێرشمانکردە سەر ئەو وڵاتە.”

لێدوانەکانی ترەمپ لە کاتێکدا دێن کە واشنتن بەردەوامە لە هەڵسەنگاندنی ئەنجامی ئەو ئۆپەراسیۆنە سەربازییانەی کە لە مانگەکانی ڕابردودا پێگە و دامەزراوە ئێرانییەکانیان کردە ئامانج، لە ناوەڕاستی بەردەوامیی گرژییە هەرێمییەکان سەرەڕای ئەو هەوڵانەی کە ئامانجیان چەسپاندنی هێورکردنەوەیە.