هەرێم کەمال ئاغا: لە کۆی پێنج ئەندامی هەمیشەیی سیانیان خەریکن و هێزی پێشمەرگەیان بۆ یەکناخرێتەوە

SNN

هەرێم كەمال ئاغا، سەرۆکی فراکسیۆنی یەکێتی نیشتمانی کوردستان لە ئەنجومەنی نوێنەرانی عێراق لەبارەی دەنگۆی یەكخستنی هێزی پێشمەرگە لەگەڵ حەشد رایگەیاند، دەبێت سەرەتا گلەیی زۆر لە خۆمان بكەین، لە كۆی پێنج ئەندامی هەمیشەیی ئەنجومەنی ئاسایشی نێودەوڵەتی سێیان خەریكی یەكسختنی هێزی پێشمەرگەن بەڵام ئەم هێزەیان پێ یەكناخرێت.

سەرۆكی فراكسیۆنی یەكێتی لە لێدوانێكدا رایگەیاندووە، بەمەرجێك ئەو وڵاتانە پێشیانوتوون هەموو دەوروبەرتان دووپشك و دڕك و داڵە، ئیتر بۆ هێزەكانتان یەكناخەن بە تەمای چین.

ئاماژەی بەوەکردووە، دەبوو یەكێتی و پارتی بەرپرسیارانەتر مامەڵەبكەن و دوورنییە لە داهاتوودا نیازیان لە یەكخستنەوەش خراپتربێت.

ئاشکرایکردووە،  تەنها بە یەكخستنی هێزی پێشمەرگە، كە هێزێكی نیشتمانی بێت و پارێزەری كوردستان بێت، دەوانین پارێزگاری لە دەستكەوتەكان بكەین.