سکرتێری گشتیی نەتەوە یەکگرتووەکان لەبارەی مەترسی جەنگەوە هۆشداریی دەدات

SNN

ئەنتۆنیۆ گۆتێرێس، سکرتێری گشتیی نەتەوە یەکگرتووەکان، هۆشداریی لە پەرەسەندنی قەیرانەکانی ڕۆژهەڵاتی ناوەڕاست دەدات و ڕایدەگەیەنێت، لێکەوتەکانی ئەم دۆخە لە سنووری ناوچەکە تێدەپەڕێت و کاریگەریی گەورەی دەبێت. داواش دەکات سەرجەم لایەنەکان بەبێ هیچ بیانوویەک هەوڵ بۆ چارەسەرێکی دیپلۆماسی بدەن.

سکرتێری گشتیی نەتەوە یەکگرتووەکان، لە پەیامێکدا لە هەژماری تایبەتیی خۆی لە تۆڕی کۆمەڵایەتیی (ئێکس) بڵاویکردەوە: “ئەم هەفتەیە ناوچەکە شایەتحاڵی هێرشی بەرفراوانتر و خراپتربوونی زیاتری دۆخەکە بووە، بە جۆرێک ئاگربەست زیاتر لە کەمکردنەوەی ئاگر دەچێت”.

ئاماژەی بەوەکردووە، نابێت مەترسییەکانی گۆڕانی ئەم پێکدادانە بچووکانە بۆ شەڕێکی گەورە و سەرتاسەری بە کەم سەیر بکرێت.

هاوکات هۆشداریی داوە کە پێویستە هەموو لایەنەکان کار بۆ گەیشتن بە ڕێککەوتنێکی دیپلۆماسی بکەن و دەڵێت: “کۆتایی بە هێرشەکان بهێنن، کۆتایی بە بیانووەکان بهێنن”.