کەشناسی: سبەی لە ناوچە شاخاوییەکان باران دەبارێت

SNN-

پاش ماوەیەک لە جێگیریی پلەکانی گەرما، کەشناسی پێشبینی گۆڕانکاریی نوێ دەکات و هۆشداری لە چالاکبوونی خێرایی با و بارینی بارانی کورتخایەن لە ناوچە سنوورییەکان دەدات.

کەشوهەوای پێشبینیکراوی ئەمڕۆ شەممە

ئەمڕۆ شەممە 13-06-2026، ئاسمانی هەرێمی کوردستان بە گشتی ساماڵ دەبێت، بەڵام لە ناوچەکانی ڕۆژئاوای هەرێم هەندێک جار دەگۆڕێت بۆ پەڵە هەور. خێرایی با لەسەرخۆ بۆ مامناوەند دەبێت و لە نێوان 10 بۆ 20 کم/ک دەبێت، ئاراستەکەشی بەرەو باکووری خۆرئاوا دەبێت. مەودای بینین لە نێوان 8 بۆ 10 کیلۆمەتردایە و پلەکانی گەرما نزیک دەبن لە تۆمارکراوەکانی دوێنێ.

بەرزترین پلەکانی گەرمای ئەمڕۆ لە شارەکان

بەپێی پێشبینییەکان، بەرزترین پلەی گەرما لە ناوچە جیاوازەکان بەم شێوەیە دەبێت: هەولێر 37، سلێمانی 36، دهۆک 36، چەمچەماڵ 37، زاخۆ 37، پیرمام 36، حاجی ئۆمەران 26 و گەرمیان 41 پلەی سیلیزی.

پێشبینیی باران و چالاکبوونی با بۆ سبەی یەکشەممە

بۆ سبەی یەکشەممە 14-06-2026، ئاسمان لە ساماڵەوە دەگۆڕێت بۆ پەڵە هەور و نیمچە هەور. ئەگەری بارینی تاوەبارانێکی کورتخایەن هەیە، بەتایبەتی لە ناوچە شاخاوییەکانی سنووری ئیدارەی سەربەخۆی سۆران و پارێزگای دهۆک. خێرایی با لە کاتەکانی ئێوارەدا چالاک دەبێت و بۆ سەرووی 30 کم/ک بەرز دەبێتەوە.

پلەکانی گەرمای پێشبینیکراو بۆ سبەی

پلەکانی گەرما بۆ سبەی یەکشەممە جێگیر دەبن و نزیک دەبن لە تۆمارکراوەکانی ئەمڕۆ، بەم شێوەیە: هەولێر 37، سلێمانی 36، دهۆک 36، چەمچەماڵ 37، زاخۆ 37، پیرمام 36، حاجی ئۆمەران 26 و گەرمیان 41 پلەی سیلیزی. مەودای بینین وەک خۆی لە نێوان 8 بۆ 10 کیلۆمەتر دەمێنێتەوە.