وتەبێژی وەزارەتی دەرەوەی ئێران: هەڵگرتنی گەمارۆ نەوتییەکان لە ئەمڕۆوە دەستپێدەکات

SNN-

ئیسماعیل بەقایی، وتەبێژی وەزارەتی دەرەوەی ئێران رایگەیاند، پێویستە گەمارۆ نەوتییەکانی سەر ئێران هەڵبگیرێن، نەک تەنها لەسەر کاغەز، بەڵکو بە هەموو پێداویستی و مەرجەکانیەوە.

ئاماژەی بەوەشکرد، دەبێت ئێران بتوانێت نەوتەکەی بفرۆشێت و لە بوارەکانی گواستنەوە و دڵنیایی (بیمە)دا تووشی گرفت نەبێت، هەروەها بتوانێت داهاتی بەدەستهاتوو لە فرۆشتنی نەوتەکەشی وەربگرێتەوە.

وتەبێژی وەزارەتی دەرەوە جەختیشیکردەوە، پڕۆسەی هەڵگرتنی گەمارۆ نەوتییەکانی ئێران لە ئەمڕۆوە دەستپێدەکات و لە کاتی بەڕێوەچوونی دانوستانەکانیشدا بەردەوام دەبێت.