گرژییه‌كانى گه‌رووى هورمز نرخى غازى به‌رزكرده‌وه
SNN-
غازى سروشتى له ئه‌وروپا به‌رزبوونه‌وه‌یه‌كى كه‌مى به‌خۆیه‌وه بینى، پاش گرژییه‌كانى دوێنێى گه‌رووى هورمز و هێرش بۆسه‌ر كه‌شتییه‌كى بارهه‌ڵگر، كه ترس و نیگه‌رانیی نوێى سه‌باره‌ت به سه‌لامه‌تیی ده‌ریایی له رێڕه‌وه گرنگه ده‌ریاییه‌كه‌دا هێنایه ئاراوه.
گرێبه‌سته دواترى ئه‌و سه‌رچاوه‌ى وزه‌یه به رێژه‌ى 1.6% به‌رزبووه‌وه، پاش دووجار دابه‌زینى له‌ماوه‌ى كه‌مى رابردوودا.
سه‌ره‌ڕاى ئاڵوگۆڕه سنوورداره‌كانى نرخ له سه‌ره‌تاى هه‌فته‌وه، به‌ڵام هێشتا نرخى غاز به‌ڕێژه‌ى 25% زیاتره به‌راورد به ماوه‌ى پێش هه‌ڵایسانى جه‌نگ، له سایه‌ى ترس له‌باره‌ى خاویى پڕكردنه‌وه‌ى عه‌مباره‌كانى غاز له ئه‌وروپا به‌ر هاتنى وه‌رزى زستان.
