ناوەڕۆکی کۆبوونەوەی نێچیرڤان بارزانی و عەباس عێراقچی ئاشکرا کرا

SNN – 

سەرۆکایەتی هەرێمی کوردستان ناوەڕۆکی کۆبوونەوەی نێچیرڤان بارزانی، سەرۆکی هەرێمی کوردستان و عەباس عێراقچی، وەزیری دەرەوەی کۆماری ئیسلامیی ئێرانی لە تاران ئاشکرا کرد، کە تێیدا پەرەپێدانی هاوکارییەکان و دوایین پێشهاتەکانی ناوچەکە تاوتوێ کراون.

بەپێی ڕاگەیەندراوی فەرمی سەرۆکایەتی هەرێم، بەیانیی ئەمڕۆ هەینی 2026/7/3، نێچیرڤان بارزانی لە تاران لەگەڵ عەباس عێراقچی کۆبووەوە.

لە کۆبوونەوەکەدا گرنگترین ئەم تەوەرانەی خوارەوە تاوتوێ کران:

• پەیوەندییە دوو قۆڵییەکان

•  هەردوولا پەیوەندییەکانی عێراق و هەرێمی کوردستانیان لەگەڵ کۆماری ئیسلامیی ئێران تاوتوێ کرد و بیروڕایان دەربارەی پەرەپێدانی هاوکاری و هەماهەنگیی هاوبەش گۆڕییەوە.

• پێشهاتەکانی ناوچەکە

•  تیشک خرایە سەر پرسی ڕاگرتنی شەڕ و دوایین پەرەسەندن و پێشهاتە سیاسی و ئەمنییەکانی ناوچەکە.

• پاراستنی سەقامگیری

•  هەردوولا جەختیان لەسەر گرنگیی بەردەوامیی دیالۆگ و هەماهەنگیی هەمەلایەنە کردەوە، بە شێوەیەک کە خزمەت بە پاراستنی ئاسایش، سەقامگیری و بەرژەوەندیی گەلانی ناوچەکە بکات.