تاران هۆشداری توند دەدات: گەرووی هورمز شوێنی نمایشی سەربازیی هێزە بیانییەکان نییە
– SNN
کازم غەریب ئابادی، جێگری وەزیری دەرەوەی ئێران، لە لێدوانێکدا بوونی سەربازیی هێزە بیانییەکانی لە گەرووی هورمز ڕەتکردەوە و ڕایگەیاند: “ئەو گەرووە شوێنێک نییە بۆ نمایشی هێزی سەربازیی وڵاتانی دەرەکی”.
ئابادی جەختی لەوە کردەوە کە ئێران وەک ئەو هێزەی بەرپرسیارێتی پاراستنی ئاسایشی ناوچەکەی لە ئەستۆدایە، بە توندی هۆشداری دەدات لە هەر جووڵەیەکی سەربازیی نایاسایی لەو ڕێڕەوە ئاوییە گرنگەدا، چونکە بە مەترسیی بۆ سەر سەقامگیری ناوچەکە دەزانێت.
ئێران دەیەوێت بە جیهان و هێزە بیانییەکان بسەلمێنێت کە ئەو “زامنکەری سەرەکی” ئاسایشی ناوچەکەیە و بوونی هێزی دەرەکی بە سەرچاوەی ناسەقامگیری دەزانێت.
ئەم لێدوانە هۆشدارییەکی ڕاستەوخۆیە بۆ ئەوەی ڕێگری بکات لە هەر چەشنە نمایشێکی سەربازی کە ڕەنگە وەک هەڕەشە بۆ سەر بەرژەوەندییەکانی ئێران لەو ڕێڕەوە ئاوییەدا سەیر بکرێت.
