جارێکی دیکە نرخی بەنزین لە هەولێر بەرزبوویەوە

عەلی حەمە سەعید-SNN

بەرز بوونەوەی نرخی جۆریە جیاوازەكانی بەنزین لەهەولێر بەردەوامی هەیە و ئەمڕۆ نرخی لیترێك بەنزینی نۆرماڵ لە هەولێرگەیشتە هەزار و 175 دینار، هاوكات جۆرەكانی دیكەی بەنزینیش نرخەكانیان بەرز بووەتەوە.

خالید سادق، شۆفێر لە پارێزگای هەولێر بە SNNی ڕاگەیاند: ئەمڕۆش بۆجارێكی دیكە نرخی بەنزین لە بەنزینخانەكانی شاری هەولێر بەرزبوونەوەی زیاتری بە خۆیانەوە بینیوە، بەجۆرێك بۆ هەر لیترێك بەنزینی نۆرماڵ 50دیناری ڕۆشتووەتە سەر بەراورد بە دوێنێ‌، بەجۆرێك ئەمڕۆ لیترێك بەنزینی نۆماڵم بە هەزار و 175 دینار كڕیوە لە كاتێكدا دوێنێ‌ هەمان جۆری بەنزینم بە هەزار و 25دینار كڕی.

ئاماژەی بەوەشكرد، جۆرەكانی دیكەی بەنزینیش بەهەمان شێوە بەرز بوونەتەوە، بەجۆرێك لیترێك بەنزینی موحەسەن ئەمڕۆ بە هەزار و 490دینارە و هەروەها بەنزینی جۆری سۆپەریش بە هەزار و 590دینار دەفرۆشرێت بە شۆفێران.

بەگوێرەی بەدواداچوونەكانی SNNنرخی بەنزین لە سلێمانی و هەڵەبجە بەجێگیری و وەك خۆی ماوەتەوە و هیچ گۆڕانكارییەكی ئەو تۆیان بەخۆیانەوە نەبینیوە، بەجۆرێك لیترێك بەنزینی نۆرماڵ بە 950 تا هەزار دینار و بەنزینی موحەسەن بە هەزار و 1250دینار و سۆپەریش بە هەزار و 450دینارە.