ماوەی 12 كاتژمێرە پارتی هێزی سەربازی بەچەكی قورسەوە ڕەوانەی قەزای خەبات دەكات، ڕووبەڕووبوونەوەی سەربازی لە ئان و ساتدایە

عەلی حەمە سەعید-SNN

لەدوای دەستگیركردنی خورشید هەركی و حەیدەر هەركی برای، ماوەی زیاتر لە 12 كاتژمێرە پارتی دیموكراتی كوردستان بە هەموو توانایەوە دەستیكردووە بە ڕەوانە كردنی هێزی سەربازی بەچەكی قورس و تانك و زرێپۆشەوە ئەوەش بۆ ڕێگریكردنە لە ئەنجامدانی خۆپیشاندانی هەركییەكانی قەزای خەبات.

بەگوێرەی ئەو زانیارییانەی دەست SNNكەوتوون، بە فەرمانی مەسروبارزانی جێگری دووەمی سەرۆكی پارتی لەدوای دەستگیركردنی خورشید هەركی و حەیدەر هەركی برای لە بەرەبەیانی ئەمڕۆ، فەرمانكراوە بە ناردنی هێزی سەربازی چەكی قورس و تانك و زرێپۆش بۆ ناو قەزای خەبات بۆ ئەوەی سەركوتی هەر هەوڵێك بۆ ئەنجامدانی خۆپیشاندان.

ئاماژە بەوەشكراوە، خزم و كەسە نزیكەكانی خورشید هەركی لە عەشیرەتی هەركی هۆشدارییان بە و هێزانە داوە كە هاتوونەتە قەزای خەبات، لە ئەگەری هەر تەقەكردنێك زۆر بەتوندی وەڵامیان دەدرێتەوە سەرەڕای ئەوەش داویان كردووە بە زوترین كات خورشید هەركی ئازاد بكرێت.

SNNئەوەشی زانیوە كە ڕووبەڕوو بوونەوەی سەربازی لە ئان و ساتدایە بەتایبەت كە پارتی ئەو تۆمەتانەی خخستووەتە پاڵ خورشید هەركی هێندەی دیكە عەشیرەتەكەی تووڕە كردووە و پێدەچێت ئەمشەو شەوێكی ئاسایی نەبێت بۆ دانیشتووانی قەزای خەبات بەتایبەت هەركییەكانی ئەو سنور