نرخی نەوت بەرزبووەوە

SNN

بەهۆی هێرشەکانی شەوی ڕابردووی ئەمریکا و وەڵامدانەوەکانی ئێرانەوە نرخی نەوت جارێکی دیکە ڕووی لە بەرزبوونەوە کرد و یەک بەرمیل نەوتی برێنت زیاتر لە چوار دۆلار زیادی کرد.

ئەمڕۆ چوارشەممە، یەک بەرمیل نەوتی برێنت بۆ 76 دۆلار و 57 سەنت بەرزبووەوە، هاوکات یەک بەرمیل نەوتی خاوی تەکساسیش بۆ 72 دۆلار و 75 سەنت بەرزبووەوە.

ئەمە لەکاتێکدایە، درەنگانی شەوی رابردوو ئەمریکا لە ڕێگەی ئاسمانیەوە هێرشی کردە سەر چەند ناوچەیەک لە بەندەر عەباسی ئێران و دوورگەی قەشم، لە بەرامبەردا سوپای پاسدارانی ئێران هێرشی مووشەکی کردە سەر ئامانجەکانی ئەمریکا لە کوەیت و بەحرەین.