ئەمریکا بە چڕی بۆردومانی پێگە سەربازییەکانی ئێران دەکات

SNN-
دوای زنجیرەیەک هێرشی بەرفراوان، فەرماندەیی ناوەندی سوپای ئەمریکا (سێنتکۆم) وردەکاری نوێی ئۆپەراسیۆنەکانی بۆ سەر ئێران ئاشکرا دەکات و ڕایدەگەیەنێت، ئامانجیان لاوازکردنی توانای تارانە لە گەرووی هورمز.

سێنتکۆم دەڵێت: لە ماوەی کاتژمێرەکانی ڕابردوودا، ئەمریکا نزیکەی 90 ئامانجی سەربازیی لە کەناراوەکانی ئێران بۆردومان کردووە.

هێرشەکان سیستمی بەرگری ئاسمانی، تاوەری چاودێری، شوێنی مووشەک و فڕۆکە بێفڕۆکەوانەکان، و ژێرخانی لۆجستی سەربازییان گرتووەتەوە.

لە هێرشەکانی دوێنێدا، ئەمریکا نزیکەی 80 ئامانجی پێکاوە، کە دیارترینیان زیاتر لە 60 بەلەمی خێرای سەر بە سوپای پاسداران بوون.

واشنتن جەخت دەکاتەوە کە ئەم ئۆپەراسیۆنانە بۆ کەمکردنەوەی هەڕەشەکانە لەسەر جموجوڵی دەریایی لە گەرووی هورمز.

سێنتکۆم ڕایگەیاندووە هێزەکانیان لەوپەڕی ئامادەباشیدان و چاوەڕێی فەرمانی نوێی فەرماندەی گشتی هێزە چەکدارەکانی ئەمریکا دەکەن.