تەلال زەوبەعی سەرۆكی پێشووتری لیژنەی دەستپاكی لە پەرلەمانی عێراق دەستگیركرا

SNN-

سەرچاوەیەکی ئەمنی ئەمڕۆ یەکشەممە ئاشكرایكردووە، هێزێکی هاوبەشی دەزگای بەرەنگاربوونەوەی تیرۆر و دەستەی دەستپاکی هەڵیانکوتایە سەر ماڵی پەرلەمانتاری پێشوو تەلال زوبەعی، لە ناوچەی حارسییەی لە بەغدای پایتەخت و دەستگیریان کرووە.

سەرچاوە ئەمنییەكە كە قسەی بۆ میدیا عێراقییەكان كردووە، ئاماژەی بەوەكردووە، هێزە هاوبەشەکە هاوشانی ئەو پرۆسەیە دەستیکردووە بە ئەنجامدانی هەڵمەتی گەڕان و دەستگیرکردنی بەرفراوان کە ژمارەیەک لەو کەسانەی کردووەتە ئامانج بە تۆمەتی پەیوەندیدار بە گەندەڵی دارایی و ئیداری لە چەند ناوچەیەکی دەرەوەی ناوچەی سەوزدا داواکراون.

رەتیشیکردەوە ناوچەی سەوز دابخرێت و دۆخی ئەمنی بەغداشی بە باش وەسفكردووە

زەوبەعی لە چەند خولێكی ئەنجومەنی نوێنەرانی عێراق پەلەمانتار بووەو سەرۆكایەتی لیژنەی دەستپاكی كردووەو یەكێك بووە لە رووخسارە سیاسیە دیارەكانی سوننەكان.