پاکستان داوای دانبەخۆداگرتن لە ئێران و ئەمریکا دەکات
SNN
وەزارەتی دەرەوەی پاکستان سەبارەت بە گرژییەکانی نێوان ئێران و ئەمریکا لە گەرووی هورمز هاتە دەنگ و داوای دانبەخۆداگرتنی تەواو لە هەموو لایەنەکان دەکات.
وتەبێژی وەزارەتی دەرەوەی پاکستان ڕایگەیاند، هیوادارن دۆخی گەرووی هورمز بە تایبەت لە ڕووی ئاسایش و سەلامەتی دەریاوانییەوە بۆ دۆخی ئاسایی بگەڕێتەوە.
لە درێژەی لێدوانەکەیدا، وتەبێژەکە داوای لە هەموو لایەنەکان کرد کە دانبەخۆداگرتنی تەواو نیشان بدەن و خۆیان لە هەر هەنگاوێک بەدوور بگرن کە دەبێتە هۆی لاوازکردنی ئاشتی لە ناوچەکەدا.
لە کۆتاییدا وەزارەتی دەرەوەی پاکستان جەختی کردەوە کە هیچ جێگرەوەیەک بۆ گفتوگۆ و دیپلۆماسی بوونی نییە بۆ گەیشتن بە ئامانجە هاوبەشەکان کە ئاشتی و سەقامگیری ناوچەکەیە.
