نرخی نەوتی سپی بەراورد بە ساڵی رابردوو زیاتر بەرزبووەتەوە

SNN

نرخی نەوتی سپی ماڵان لە ئێستادا کە لە چلەی هاوینداین بەرزە بەجۆرێک ئەمساڵ بەراورد بە ساڵی رابردوو نرخەکەی نزیکەی سەرو 90 هەزار دینار زیادیکردووە، لە ئێستادا نرخی بەرمیلێک نەوت بە 225 هەزار دینارە.

جەلال رەئوف، نەوتفرۆش لە سلێمانی لە لێدوانێکدا بۆSNN رایگەیاندووە، لە ئێستادا نرخی نەوتی سپی ماڵان بۆ هەر بەرمیلێک لە نێوان 225 بۆ 230 هەزار دینارە، کە ساڵی رابردوو لەم کاتەدا نرخەکەی لە نێوان 125 هەزار بۆ 130 هەزار دینار بووە

سەبارەت بە هۆکاری بەرزی نرخی نەوت ئاشکرایکردووە، هەفتەیەک پێش ئێستا نرخی بەرمیلێک نەوت 200 هەزار دینار بوو، بەڵام لە ماوەی ئەم چەند رۆژە 35 بۆ 40 هەزار دیناری چووەتە سەر، کە ئەمەش بەهۆی شەڕی نێوان ئەمریکا و ئێران و هێرشەکانی ئەم دواییەی ئێران بۆ سەر هەرێمی کوردستان دەگەڕێتەوە.