سەرچاوەیەک لە وەزارەتی دارایی: هەفتەی داهاتوو مووچە دێت

SNN-

سەرچاوە باڵاکەی وەزارەتی دارایی بە میدیای پارتی راگەیاند، چاوەڕێ دەکەین هەفتەی داهاتوو پارەی مووچە بنێردرێت ئەگەر کێشەی نەبوونی پارەی کاش گرفت دروست نەکات، هەرکاتیش نێردرا ئێمە ئامادەکاریی خۆمان کردووە و دەست بە دابەشکردنی دەکەین.

ئاماژەی بەوەشکرد، بە ئەگەری 80%، ئەم مانگە هیچ پارەیەک لە پشکی گەنجینەی فیدراڵی نانێرین بۆ بەغدا، چونکە پارەمان لەبەردەست نییە و ناتوانین بینێرین.

سەرچاوەکەی وەزارەتی دارایی سەبارەت بەوەی ئەگەر داهات کەم بێت چۆن کورتهێنان و لێبڕینی پارەی مووچەی مانگی 7 پڕ دەکرێتەوە، ئاشکرای کرد، کە لە سەرەتای هەفتەی داهاتووەوە دەست دەکرێت بە کۆکردنەوەی پارە بۆ تەواوکاریی مووچە، تاوەکوو ئەو کاتەی بەغدا پارەی مووچە دەنێرێت، داهاتی ناوخۆ کۆدەکەنەوە و هەموو هەوڵێک دەدەن بۆ ئەوەی بتوانن مووچە دابەش بکەن و ئەو کورتهێنانەی دروست دەبێت پڕی بکەنەوە.