ئەکسیۆس: ئەمریکا و ئێران گەیشتونەتە رێککەوتن و تەنها رەزامەندی موجتەبا خامنەیی ماوە

SNN-

ماڵپەڕی (ئەکسیۆس) بڵاویکردەوە، ئەمریکا، ئێران و عومان بەتەواوەتی نزیکبن لە گەیشتن بە رێککەوتنێکی کاتی تایبەت بە کردنەوەی گەروی هورمز، و واشنتن هەوڵدەدات لەمڕۆ چوارشەممەدا بە فەرمی لە ڕاگەیەندراوێکدا وردەکارییەکانی ئاشکرا بکات.

بەگوێرەی زانیارییەکانی ئەکسیۆس کە لە زاری بەرپرسێکی ئەمریکییەوە بڵاوکرتۆتەوە، ناوەڕۆکی سەرەکیی ڕێککەوتنەکە ئەم خاڵانە لەخۆدەگرێت:

ماوەی ڕێککەوتنەکە

ڕێککەوتنەکە بۆ ماوەی 60 ڕۆژ دەبێت، لەگەڵ ئەگەری درێژکردنەوەی.

لەو ماوەیەدا هیچ جۆرە باجێک لە کەشتییەکان وەرناگیرێت لە گەروی هورمزدا.

بەکارهێنانی ئاوە هەرێمییەکان

تەواوی ئەو کەشتییانەی لە گەرووەکە تێدەپەڕن، دەتوانن ڕێڕەوی باکوور بە ناو ئاوە هەرێمییەکانی ئێراندا بگرنە بەر.

پاککردنەوەی مینە دەریاییەکان

ڕێککەوتنەکە مەرجی ئەوەی تێدایە کە لایەنە پەیوەندیدارەکان لە ماوەی 30 ڕۆژدا کار بۆ پاککردنەوەی مینە دەریاییەکان لە ڕێڕەوی ناوەڕاستی گەروەکە بکەن.

ڕێڕەوی هەمیشەیی

بڕیارە لە داهاتوودا ئەو ڕێڕەوە ناوەندییە بەپێی ڕێککەوتنێکی هەمیشەیی، کە ئێستا عومان و ئێران دانوستانی لەسەر دەکەن، ببێتە ڕێگەی سەرەکی بۆ هاتووچۆی سەرجەم کەشتییە هاتوو و ڕۆیشتووەکان.

پێگەکە ئاماژەی بەوەشکردووە کە هەموو شتێک بۆ جێبەجێکردنی ڕێککەوتنەکە ئامادەیە و تەنها ڕەزامەندیی موجتەبا خامنەیی، ڕێبەری باڵای ئێران ماوە بۆ ئەوەی بڕیارەکە بچێتە بواری جێبەجێکردنەوە.