مووچە
SNN-
لیژنەی یاسایی لە پەرلەمانی عێراق، ئەو دەنگۆیانە ڕەت دەكاتەوە کە باس لە دابەشکردنی مووچە دەکەن بە 45 رۆژ جارێک، ئاماژە بەوەش دەكات، دواکەوتنی خەرجكردنی مووچە بەو مانایە نییە کە مانگ بووبێتە 45 ڕۆژ.
محەمەد جاسم خەفاجی، ئەندامی لیژنەی یاسایی پەرلەمان، لە لێدوانێکدا بۆ ڕۆژنامەی فەرمی رایگەیاند، هیچ ڕاستییەک نییە لەو دەنگۆیانەدا كە سەبارەت بە دابەشکردنی مووچە لە 45 ڕۆژ جارێکدا بڵاودەکرێنەوە.
باسی لەوەشکردووە، دواکەوتنی مووچە لە ئەنجامی ئەو دۆخە داراییە سەریهەڵداوە، فەرمانبەر مافی وەرگرتنی مووچەی 12 مانگی پارێزراوەو نەکەم دەکرێتەوەو نە دەکرێت مووچەکەی لەوە کەمتر بێت.
ئەو ئەندامەی لیژنەی یاسایی پەرلەمان ئاماژەی بەوەشکرد، قەیرانی دارایی بە کردەیی بوونی هەیە و دەکرێت ببێتە هۆی دواکەوتنی مووچە، بەجۆرێك هەندێک فەرمانگە هەن تا ئێستا مووچەیان وەرنەگرتووە بەهۆی سەقامگیرنەبوونی دۆخی داراییەوە، بەڵام ئەمە شایستەی مانگانەی فەرمانبەر ناگۆڕێت.
