وائیلی:داهاتى یهك مانگى دهروازهكانى عێراق 500 ملیار دینارى تێپهڕاند
عومەر وائیلی، سەرۆکی دەستەی دەروازە سنورییەکانی عێراق
SNN-
فەریق عومەر عەدنان وائیلی، سەرۆکی دەستەی دەروازە سنورییەکانی عێراق ڕایگەیاند، سەردانی عەلی زەیدی، سەرۆکوەزیرانی عێراق بۆ بارەگای دەستەکە، پاڵپشتییەکی گەورەیە بۆ بەهێزکردنی هەوڵەکانی ڕووبەڕووبوونەوەی گەندەڵی و گەشەپێدانی کاری چاودێری.
داهاتی مانگی تەممووز
بەپێی وتەی وائیلی، لە ئەنجامی تووندوتۆڵکردنی ڕێکارە چاودێرییەکان، دەستەکە لە مانگی تەممووزی ڕابردوودا داهاتێکی دارایی بێوێنەی بەدەستهێناوە کە بڕەکەی لە 500 ملیار دیناری عێراقی تێپەڕیوە.
جەختکردنەوە لەسەر ئاسایش و ڕووبەڕووبوونەوەی قاچاخچێتی
لە میانی سەردانەکەیدا، سەرۆکوەزیران ڕێنمایی داوە بە:
تووندوتۆڵکردنی ڕێکارەکان
هەماهەنگیی زیاتر لەگەڵ دەزگا دادوەری و چاودێرییەکان بۆ نەهێشتنی گەندەڵی.
پاراستنی ئاسایشی کۆمەڵایەتی
دانانی ئەولەویەتی باڵا بۆ بەرەنگاربوونەوەی قاچاخچێتی ماددەی هۆشبەر و دەرمان، بەهۆی ئەو مەترسییە گەورەیەی لەسەر ئاسایشی کۆمەڵگەی عێراقی دروستی دەکەن.
پڕۆژەی “ڕێگەی گەشەپێدان” و بە ئەلیکترۆنیکردنی دەروازەکان
سەرۆکی دەستەی دەروازە سنورییەکان ئاماژەی بەوەشدا کە لە سەردانەکەدا، پلانی پڕۆژەی “ڕێگەی گەشەپێدان” و چالاککردنی ترانزیتی نێودەوڵەتی تاوتوێ کراوە، بە مەبەستی بەهێزکردنی پێگەی جوگرافیی عێراق وەک پردێک بۆ بەستنەوەی ئەوروپا بە کەنداو و جیهان.
وائیلی جەختی لەوەشکردەوە کە دەستەکە لە ڕێگەی سیستەمی ئەلیکترۆنی و بەستنەوە بە سیستەمی (ئاسیکۆدا)ـەوە، هەنگاوی گەورەیان ناوە بۆ حوکمڕانیی دارایی، وردبینیکردنی پسوڵەکان، و ڕێگریکردن لە هەر جۆرە تەزویر و یاریپێکردنێک لە دۆکیومێنتەکانی هاوردەکاریدا.
