رۆبێرتۆ کارلۆس بە فەرمی موسوڵمانبوونی خۆی راگەیاند

SNN

ئەمڕۆ بەپێی زۆرێک سەرچاوەکان و ماڵپەڕە عەرەبییەکان، یاریزان (رۆبێرتۆ کارلۆس) بووە بە مسوڵمان، چیرۆکەکە لەوەوە دەست پێدەکات کە پەرلەمانتاری تورکی «عەلی شاهین» لەگەڵ بانگخوازی ئیسلامی «جیهاد حەسەن حەمادە»دا بووە؛ ئەگەر ئەم بانگوازە، یەکێکە لە 500 کاریگەرترین کەسایەتییەکانی جیهانی ئیسلامی.

جیهاد لە ساڵی 2014 بەڕێوەبەری نووسینگەی “دەستەی جیهانی بۆ لاوانی ئیسلامی” بوو لە بەرازیل، و لە ساڵی 2022 بەرپرسی ئایینی بوو لە دامەزراوەی “مافپەروەرانی موسڵمان” لە بەرازیل، ڕێژەی موسڵمانان لە سەردەمی بانگەوازەکەیدا زیادی کرد،بەر لە 4 هەفتەش لەگەڵ رۆبێرتۆ کارلۆس بووە.

بانگخواز جیهاد حەمادە بە عەلی شاهینی پەرلەمانتاری ڕاگەیاندووە کە رۆبێرتۆ کارلۆس لەمێژە پەیوەندی پێوە کردووە، کارلۆس 4 هەفتە لەمەوبەر سەردانی کردووە و موسڵمانبوونی خۆی ڕاگەیاندووە..

دوای 4هەفتە لە موسڵمانبوونی، دوێنێ بە شێوازێکی ئیسلامیی هاوسەرگیری لەگەڵ کچە مەغریبییەکە «سوهایلە ئەلتەیری» ئەنجامدا.

ئەوەی جێگەی سەرنجە تا ئێستا، رۆبێرتۆ کارۆلۆس، لە زمانی خۆیەوە بە فەرمی موسوڵمانبوونی خۆی رانەگەیاندووە، واتا خۆی موسوڵمانبوونی خۆی رانەگەیاندووە بە رای گشتی و میدیاکان ئەوەی تا ئێستا هەیە وتەی ئەو بانگخوازە تورکەیە لە لەبارەی رۆبێرتۆ کارلۆسەوە باسدەکرێت.