SNN-
دەستەی ئۆپەراسیۆنە بازرگانییە دەریاییەکانی بەریتانیا رایگەیاند، کەشتییەکی بازرگانی بە شێوازێکی نادیار و بە تەقەمەنی کراوەتە ئامانج، ئەوەش بووە هۆی کەوتنەوەی ئاگر لە ناو کەشتییەکەدا.
وتیشی، بەڵام خۆشبەختانە تیمی فریاگوزاری توانیویانە ئاگرەکە کۆنتڕۆڵ بکەن و بکوژێننەوە.
راگەیەندراوەکە ئاماژەی بەوەش داوە کە سەرجەم ئەندامانی تیمی کەشتییەکە لە سەلامەتیدا نە و هیچ زیانێکی گیانی تۆمار نەکراوە.
جێی ئاماژەیە، بە پێچەوانەی ڕاپۆرتەکانی پێشووەوە، لەم راگەیەندراوەدا دەستەی ئۆپەراسیۆنە دەریاییەکانی بەریتانیا شوێنی وردی رووداوەکەی دیاری نەکردووە.
