عێراق لیستی مووچەی مانگی 8ی هەرێمی پەسەند کرد

SNN-

وەزارەتی دارایی عێراق لیستی مووچەی مانگی 8ـی مووچەخۆرانی هەرێمی کوردستانی پەسەند کرد.

ئەمەش لە کاتێکدایە دوێنێ وەزارەتی دارایی عێراق دەستی بە دابەشکردنی مووچەی فەرمانبەرانی خۆی کرد و چاوەڕوان دەکرێت ناردنی مووچەی هەرێمی کوردستان بکەوێتە مانگی داهاتوو.

ڕۆژی یەکشەممە، وەزارەتی دارایی هەرێمی کوردستان رایگەیاند، تیمی تەکنیکی وەزارەتەکەیان بە فەرمی لیستی مووچەی مانگی ئابی فەرمانبەران و مووچەخۆرانی هەرێمی کوردستانی ڕادەستی فەرمانگەی ژمێریاری لە وەزارەتی دارایی حکومەتی فیدراڵ کرد.

ئەوەشی خستەڕوو کە هەر هەمان ڕۆژ ڕاپۆرتی تەرازووی پێداچوونەوەی دارایی تایبەت بە خەرجی و داهاتەکانی (مانگی تەمووزی ٢٠٢٦) ڕادەستی لایەنی پەیوەندیدار لە وەزارەتی دارایی عێراق کراوە، بە ئامانجی وردبینیکردن و خێراکردنی پڕۆسەی دابینکردنی شایستە داراییەکانی مووچەخۆرانی هەرێمی کوردستان.