بافڵ جەلال تاڵەبانی بۆ کۆچی دوایی مەهدی زانا سەرەخۆشیی لە لەیلا زانادەکات

SNN-

بافڵ جەلال تاڵەبانی بۆ کۆچی دوایی کەسایەتیی دیاری باکووری کوردستان، مەهدی زانا، پەیامێکی سەرەخۆشی بڵاوکردەوە و تێیدا سەرەخۆشی لە خاتوو لەیلا زانا و بنەماڵەکەی دەکات.

بافڵ جەلال تاڵەبانی لە پەیامەکەیدا رایگەیاندووە:” کاک مەهدی سیمبولێکی پۆڵاینی خۆڕاگری، ئازایەتی و هەڵوێستی نەبەردی گەلەکەمان بوو و تەمەنێکی پڕ لە سەروەریی لەپێناو زمان، شوناس و مافە رەواکانی گەلی کورد بەخشی”.

سەرۆک بافڵ ئاماژەی بەوەشکردووە:”لەدەستدانی ئەو کەڵەپیاوە بۆ هەموو کوردێک خەمێکی قووڵ و کۆستێکی گەورەیە. خەباتی بەڕێزتان و کاک مەهدی، لاپەڕەیەکی پڕ لە شکۆیە کە هەرگیز لە دڵی ئەم میلـلەتەدا کاڵ نابێتەوە”.

لە کۆتایی پەیامەکەیدا بافڵ جەلال تاڵەبانی دەشڵێت:” سەرەخۆشیتان لێدەکەین و وەک هەمیشە خۆمان بە هاوبەشی خەمتان دەزانین. لە خوای گەورە داواکارین رۆحی پاکی کاک مەهدی بە بەهەشتی بەرین شاد بکات و سەبووری بە بەڕێزتان و بنەماڵە و هاوڕێیانی ببەخشێت”