موجتەبا خامنەیی هۆشداری دەداتە وڵاتانی کەنداو: ئەمریکا و ئیسرائیل دوژمنی هەموو ئوممەتی ئیسلامن

SNN-

موجتەبا خامنەیی، رابەری باڵای ئێران پەیامێکی نوێی بڵاوکردەوە و تێیدا دەڵێت: پێویستە وڵاتانی ناوچەکە ئەوە بزانن کە ئەمریکا و ئیسرائیل دوژمنی ئەوانیشن، سەرەڕای هاوکارییەکانی نێوانیان.

لە لێدوانێکدا، موجتەبا خامنەیی، رێبەری کۆماری ئیسلامیی ئێران، هۆشدارییەکی توندی ئاراستەی وڵاتانی کەنداو کرد و ڕایگەیاند کە هەر هەنگاوێک ببێتە هۆی ناکۆکی لە نێوان موسڵماناندا، خزمەت بە ئامانجەکانی دوژمنانی ئیسلام دەکات.

ناوبراو ئاماژەی بەوە دا کە لەم سەردەمەدا کە ئەمریکا و هێزە خۆبەزلزانەکان دەمامکەکانیان لاداوە و رووی راستەقینەی خۆیان پیشانی جیهان داوە، هیچ کەسێک ناتوانێت کردە قێزەونەکان بخاتە ئەستۆی نەزانی و بێئاگایی.

هەروەها جەختی کردەوە کە ئەمریکا و ئیسرائیل تەنیا دوژمنی ئێران و بەرەی بەرگری نین، بەڵکو دوژمنی سەرسەختی هەموو ئوممەتی ئیسلامن و رێز لەو فەرمانڕەوایانەش ناگرن کە هاوکارییان دەکەن.

لە لایەکی ترەوە، لە بەشێکی تری لێدوانەکانیدا ئاماژە بەوە درا کە هاوپەیمانیی تاران و پەکین پێ دەنێتە قۆناغێکی نوێی داڕشتنی سیستمی ئەمنیی هاوبەشەوە.