کۆریای باکوور هەڕەشەی توند دەکات
کیم جۆن ئون سەرۆکی کۆریای باکور
SNN
بهپێی بهیاننامهیهكی وهزیری بهرگریی كۆریای باكور كه ئاژانسی دهنگوباسی فهرمیی ئهو وڵاته (KCNA) بڵاویكردۆتهوه، پیۆنگ یانگ به توندی سهركۆنهی مانۆڕه سهربازییه هاوبهشهكانی ئهمریكا، كۆریای باشور و ژاپۆن دهكات، بهتایبهت مانۆڕی «Freedom Edge» و ڕاهێنانه سهربازییه هاوبهشهكانی داهاتوی نێوان ئهمریكا، ژاپۆن و ئوسترالیا به ناوی Orient Shield.
وهزیری بهرگریی كۆریای باكوور كه بهم دوایییه دهستبهكاربوه، ئاماژهی بهوه كرد كه واشنتن له ڕێگهی پتهوكردنی هاوپهیمانییه سهربازییهكان و ئهنجامدانی مانۆڕی بهردهوام له نزیك سنورهكانی وڵاتهكهی، سهقامگیریی نیمچهدورگهی كۆریای خستوهته لێواری تهقینهوه و شهڕێكی ناوهكیی وێرانكهر.
بهگوێرهی كهناڵی KCNA گۆڕانكاری له سهركردایهتیی سهربازیی پیۆنگ یانگ و دهستبهكاربونی كیم سۆنگ گی وهك وهزیری نوێی بهرگری، پهیامێكی ڕونی پتهوكردنی توانا سهربازی و ئهتۆمییهكانی كۆریای باكوره بهرامبهر بهو هاوپهیمانییه بهرگرییهی كه واشنتن له ناوچهی ئاسیا و ئۆقیانوسی هێمندا له دژی دروستی كردوه.
پیۆنگ یانگ جهختدهكاتهوه، هێزه چهكدارهكانیان له بهرزترین ئاستی ئامادهباشیدان بۆ بهرپهرچدانهوهی ههر سهركێشییهكی سهربازی و پاراستنی سهروهری و ئاسایشی نهتهوهییی وڵاتهكهیان.
