پرۆژەی ڕووناکی: ئەمڕۆ وادەی لێخۆشبوونی 50% کۆتایی دێت و ماوەکەی درێژ ناکرێتەوە

SNN-

بەڕێوەبەرایەتیی گشتیی کارەبای سلێمانی ڕاگەیاند، ئەمڕۆ کۆتا ڕۆژی داشکاندنی 50%ی قەرزی کارەبای پێش پرۆژەی ڕووناکییە و وادەکەی بە هیچ شێوەیەک درێژ ناکرێتەوە. تاوەکو ئێستاش نزیکەی 650 هەزار کەس لەو داشکاندنە سوودمەند بوون.

بەڕێوەبەرایەتی کارەبای سلێمانی دەشڵێت: ئەوەی هاووڵاتییان بتوانن لەم دەرفەتە کۆتاییە سوودمەند بن، کارمەندانی بەڕێوەبەرایەتیی دابەشکردنی کارەبای سلێمانی (ڕۆژهەڵات، ڕۆژئاوا، دەربەندیخان و سەیدسادق) ئەمڕۆ تا کاتژمێر 09:00ی شەو لە دەوام دەبن.

هاوکات پرۆسەی پێدانی پسوڵە لەڕێگەی سیستمی “ئی پسوڵە”وە تا کاتژمێر 12:00ی شەو بۆ پێشکەشکردنی ئاسانکاری بە هاووڵاتییان بەردەوام دەبێت.