مووچە
SNN-
وەزارەتی كار و كاروباری كۆمەڵایەتی عێراق رایگەیاند، تەرخانكردنی دارایی بۆ تۆڕی چاودێریی كۆمەڵایەتی و زیادكردنی مووچەی هاوەڵی خاوەن پێداویستییە تایبەتەكان لە خشتەكانی بودجەدا کراوە، بەپێی بڕیارەكە مووچەی چاودێر لە 170 هەزارەوە بۆ 250 هەزار دینار بەرز دەكرێتەوە.
محەمەد موسەوی، وەزیری كار و كاروباری كۆمەڵایەتی عێراق رایگەیاند، لە چوارچێوەی خشتەكانی بودجەی وەزارەتەكەیاندا، گوژمەی دارایی پێویست بۆ ئەو هاووڵاتیانە جێگیركراوە كە شایستەی هاوكارییەكانی تۆڕی پاراستنی كۆمەڵایەتین.
محەمەد موسەوی ئاماژەی بەوەشکردووە، ئەو کەسانەن کە لێكۆڵینەوەی كۆمەڵایەتییان بۆ كراوە و سەلمێنراوە كە لەژێر هێڵی هەژاریدان.
لە هەرێمی کوردستان ماوەیەکی زۆرە مووچەی چاودێری خێزان ڕاگیراوە و تەنها مووچەی خاوەنپێداویستی تایبەت دابەش دەکرێت، کە ئەوانیش لە 100 تا 150 هەزار دینارە و هێشتا هاوتای بەغدا نەکراوە.
