ئەوانەی سەردانی مزگەوتەکەی کەلاریان کردووە دەبێت پشکنین بکەن

SNN-سیروان حه‌سه‌ن

مامۆستایه‌كى ئاینى له‌ شارى كه‌لارى ناوه‌ندى ئیداره‌ى گه‌رمیان تووشى ڤایرۆسی كۆرۆنا بووه‌ و به‌هۆیه‌وه‌ مزگه‌وته‌كه‌یان داخستووه‌ و داواش ده‌كرێت ئه‌وانه‌ى پێشنوێژو بانگده‌ر و كارگوزارى مزگه‌وته‌كه‌و ئه‌و هاووڵاتیانشى هاتووچۆى مزگه‌وته‌كه‌یان كردووه‌ پشكنین بكه‌ن.

سه‌باح محه‌مه‌د به‌رێوه‌به‌رى گشتى ئه‌وقافى گه‌رمیان به‌ snnى راگه‌یاند: مامۆستا خالد پێشنوێژو وتاربێژى مزگه‌وتى شه‌هیدانى گه‌رمیان له‌ شارى كه‌لار تووشى ڤایرۆسی كۆرۆنا بووه‌ و حالى حازر كه‌ره‌نتینه‌ و له‌ ژێر چاودێرى پزیشكدایه‌.

وتیشی “داواده‌كه‌ین به‌ بانگده‌ر و پێشنوێژو كارگوزارى مزگه‌وته‌كه‌ و هه‌روه‌ها ئه‌و هاووڵاتیانه‌ش له‌ چه‌ند رۆژى رابردوودا سه‌ردانى مزگه‌وته‌كه‌یان كردووه‌ پشكنین ئه‌نجامبده‌ن و هه‌روه‌ها خۆیان كه‌ره‌نتین بكه‌ن تاوه‌كو ئه‌نجامى پشكنینه‌كه‌یان ده‌گه‌ڕێته‌وه‌.

به‌هۆى ڤایرۆسی كۆرۆناوه‌ تاوه‌كو ئێستا له‌ شارى كه‌لار سێ مزگه‌وت داخراوه‌ ئه‌وه‌ش به‌هۆى تووشبوونى پێشنوێژو وتاربێژى مزگه‌وته‌كانه‌وه‌.