ئامادەکاریی دەکرێت بۆ بانگهێشتکردنی مەسرور بارزانى بۆ پەرلەمان

SNN-هەوراز ئەحمەد
ئەندامێکى پەرلەمانى کوردستان ڕایدەگەنێت “چەند پەرلەمانتارێک یاداشتێکیان ئاڕاستەى سەرۆکایەتى پەرلەمان کردووە سەبارەت بە بانگهێشتکردنى سەرۆکى حکومەت و جێگرەکەى و وەزیرى دارایى”.

ڕاهى ڕەهبەر، ئەندامى پەرلەمانى کوردستان بە SNNى ڕاگەیاند “لەدوای  7ى ئایارەوە پەرلەمانى کوردستان کۆنەبووەتەوە، ئێستاش کە دۆخى کۆرۆنا هەیە و چەند فەرمانبەرێکى پەرلەمان تووشى کۆرۆنا بوون، هیچ هەوڵێک نییە بۆ کۆبوونەوە”.

وتیشى: “هەوڵێک هەیە لەنێو فراکسیۆنە جیاجیاکانى پەرلەمان بۆ ئەوەى کۆدەنگییەک دروستبکرێت سەبارەت بە بانگهێشتکردنى مەسرور بارزانى سەرۆکى حکومەت و قوباد تاڵەبانى جێگرى و ئاوات شێخ جەناب وەزیرى دارایى و ئابوورى حکومەتى هەرێم بۆ پەرلەمانى

کوردستان لەسەر ئەو گرفتانەى کە ئێستا خەڵکى پێوەی دەناڵێنێت بەتایبەت گرفتى دابەشنەکردنى مووچە”.

لەبارەى هەڵوێستى فراکسیۆنى سەوز لە سەر ئەو بانگهێشتە؟ ڕاهى ڕهبەر وتى: “فراکسیۆنى سەوز پشتگیرى لەو هەوڵە دەکات، چونکە پێویستە حکومەت هۆکارى ئەو هەموو کێشەیە ڕوون بکاتەوە”.