لە چیای قەرەچووغ مۆڵگەکانی داعش بۆردوومانکران

فڕۆکەکانی هاوپەیمانان، ژمارەیەک مۆڵگەی داعش-یان لە چیای قەرەچووغ بۆردوومانکرد و بەرپرسێکی سەربازیش زانیاری زیاتر ئاشکرا دەکات.

غازی فەیسەڵ سیان، فەرماندەی پێشمەرگە لە مەخمور بە SNNی راگەیاند: “کاتژمێر 8:30ی ئەمشەو تاوەکو ئێستا دوو فڕۆکەی جەنگیی هاوپەیمانان و دوو هێلیکۆپتەری جەنگی بەچڕیی بناری شاخی قەرەچوغ  بەرامبەر گوندەکانی   چوارگۆمان، بەردەسپی و عەلیەڕەش بۆردووماندەکەن کە بارەگای سەرەکی چەکدارانی داعشی لێیە”.

وتیشی: “لەم هەفتەیەدا ئەمە دووەمجارە مۆڵگەکانی داعش لەلایەن هێزەکانی هاوپەیمانانەوە بۆردوماندەکرێت و پێشتر هەشت چەکداری داعش بەهۆیەوە کوژرابوون، بەڵام ئێستا روون نەبۆتەوە کە چەندی تریان لێ کوژراوە”.