فەڕەنسا پێشبینی دەکات لەمانگەکانی داهاتوودا 800 هەزار هاووڵاتی کارەکانیان لەدەستبدەن

SNN

وەزیری بازرگانی فەڕەنسا برۆمۆ لۆمیر رایگەیاند: بەهۆی کۆرۆناوەو ئەو قەیرانە ئابووریە قورسەی رووی لە وڵاتەکەمان کردووە لەماوەی چەند مانگی نزیکی داهاتوودا، 800 هەزار هاووڵاتی کارەکانیان لەدەستبدەن.

لۆمیر ئاماژەوە بەوەدەکات، نەمانی 800 هەزار کارمەند کە دەکاتەوە 2,8% هەموو دەستی کاری وڵاتەکە کاریگەری خراپی دەبێت لەسەر هێزی ئابووری وڵاتەکەو دەروونی هاووڵاتیان، بۆیە دەبێت بەزووترین کات ئەنجومەنی وەزیرانی فەڕەنسا و لایەنە پەیوەندیدارەکان کۆببنەوە بۆ چارەسەرکردنی ئەو دۆخەو قەرەبووکردنەوەی ئەو کەسانەی کە زەرەرمەند دەبن.

بانکی گشتی فەرەنسا سێشەممەی رابردوو رایگەیاند، کە کۆی رێژەی بێکاری تا کۆتایی ساڵی 2020 دەگاتە ٪10 لە وڵاتەکەدا و تا کۆتایی 2021 دەگاتە %11.5 کە ئەمە بەرزترین ئاستە تا ئێستا فەڕەنسا لەرووی بێکارییەوە بەخۆیەوە بینیبێتی.