لەکەناراوەکانی لیبیا هێزی دەریاوانی یۆنان رێ لەکەشتییەکی پڕچەکی تورکیا دەگرێت

SNN-

هێزەکانی دەریاوانی یۆنان دەبنە بەربەست بۆ کەشتییەکی تورکی کە چەک و تەقەمەنی پێبووە لەنزیک کەناراوەکانی لیبیا.

هێزەکەی یۆنان لەچوارچێوەی مانۆڕی (ئیرینی)دا بووە کە ئیتالیا سەرپەرشتیی دەکات و نەیهێشتووە کەشتییە تورکییەکە بارەکەی لەسنوورە ئاوییەکانی لیبیا بخات.

میدیاکانی تورکیا رووداوەکەیان بەجۆرێکی دیکە باسکردووە بەوەی ئەو کەشتییە بارێکی بازرگانی پێبووە، بەڵام بەلەمێکی سەربازیی یاوەریی کردووە.

ئەوەشیان خستۆتەڕوو، کە بەلەمە سەربازییەکەی تورکیا هۆشداریی داوەتە هێزەکەی لیبیا پاشئەوەی هەلیکۆپتەرێک لەسەرییەوە فڕیوە.

ئەم رووداوە لەکاتێکدایە کە دوێنێ هەریەک لەوەزیرانی دەرەوەی یۆنان و ئیتالیا رێککەوتننامەیەکیان مۆر کرد بۆ دووبارە رێکخستنەوەی سنوورە ئاوییە بازرگانییەکانی نێوانیان کە بە (ئییۆن) ناسراوە.