وردەکاریی هێرشەکەی شەوی رابردووی داعش لە خانەقین

SNN- سیروان حەسەن

شەوی رابردوو ژماره‌یه‌ك چه‌كدارى داعش له ‌سنوورى خانه‌قین په‌لاماری گوندی دارا-یاندا کە كوردنشینە و 7 كه‌سیان شه‌هید کرد، دەوترێت هێرشی ئەمجارەی داعش بۆ سەر ئەو گوندە جیاواز بووە.

بەپێی دوایین ئاماری شەهید و بریندارەکان، 7 شەهید هەبووە کە باوکێک و دوو کوڕ و ئامۆزا و پورزایەک و دوو پۆلیس بوون لەگەڵ 5 بریندار کە 3 پۆلیس و 2 هاوڵاتی سڤیلن.

بەگوێرەی لێدوانی سەرچاوەیەکی ئەمنی، هێرشەکەی ئەمجارەی داعش جیاواز بووە، بەجۆرێک لە دوورەوە بە قەناس تەقەیان کردووە و نەهاتوونەتە ناو گوندەکەوە.

پێش مانگێک لەمەوبەر لە هەمان گوند چەکدارانی داعش باوکێک و دوو کوڕیان شەهید کرد و ناوە ناوە کاری تیرۆریستی ئەنجامدەدەن.

په‌لاماره‌كه‌ى داعش له‌كاتێكدایه‌ كه‌ ماوه‌ى چه‌ند مانگێكه‌ داعش لە چەند ناوچەیەک سەریانهەڵداوەتەوە، ناوبه‌ناو هێرشده‌كه‌نه‌ سه‌ر هاووڵاتیان و هێزه‌ ئه‌منییه‌كانی ناوچە جێناکۆکەکان، له‌ ماوه‌ى مانگى رابردووشدا هه‌ڵمه‌تى سووتاندنى گه‌نمى جوتیارانیان له‌ خانەقین ده‌ستپێكرد تا ئێستا چه‌ندین دۆنم زه‌وى سووتێنراوه‌.