“45 به‌شدارى گردبوونه‌وه‌كه‌ى ئه‌مڕۆى هه‌ولێر ده‌ستگیر كراون”
وێنه‌یه‌كى گردبوونه‌وه‌كه‌ى ئه‌مڕۆ | فۆتۆ: SNN
SNN – هه‌ولێر
ئه‌مڕۆ به‌شێك له هاووڵاتییان له به‌رده‌م باره‌گاى رێكخراوى نه‌ته‌وه یه‌كگرتووه‌كان له‌دژى بۆردومانه‌كانى توركیا و به‌ڕێوه‌چوونى ئۆپراسیۆنى (چنگى هه‌ڵۆ) گردبوونه‌وه، له ئێستادا (45) كه‌س له‌وانه‌ى كه له گردبوونه‌وه‌كه‌دا به‌شدارییان كردووه ده‌ستگیر كراون.
په‌یامنێرى (SNN) له هه‌ولێر رایگه‌یاند: “له ئێستادا 45 له‌و كه‌سانه‌ى كه له گردبوونه‌وه‌كه‌دا به‌شدارییان كردووه ده‌ستگیر كراون، له پۆلیسى هه‌ولێر ده‌ستبه‌رسه‌رن”.
ئه‌مڕۆ ژماره‌یه‌ك له چالاكوان و هاووڵاتییانى هه‌ولێر به مه‌به‌ستى ئه‌نجامدانى گردبوونه‌وه چوونه به‌رده‌م باره‌گاى رێكخراوى نه‌ته‌وه یه‌كگرتووه‌كان، به‌ڵام هێزه ئه‌منییه‌كانى شارى هه‌ولێر رێگرییان كرد له ئه‌نجامدانى گردبوونهوهكه.
ئه‌نجامدانى گردبوونهوهكه به مه‌به‌ستى سه‌ركۆنه‌كردنى ئۆپراسیۆنى (چنگى هه‌ڵۆ) بوو، كه دره‌نگانێكى شه‌وى رابردوو و به‌ره‌به‌یانى ئه‌مڕۆ له‌لایه‌ن حكومه‌تى توركیاوه له‌ناو خاكى هه‌رێمى كوردستان ده‌ستیپێكرد و “تێیدا به به‌كارهێنانى 25 فڕۆكه‌ى (F-16) و فڕۆكه‌ى بێ فڕۆكه‌وان 81 شوێن له قه‌ندیل، شنگال و ده‌وروبه‌رى كه‌مپى مه‌خمور كرانه ئامانج و بۆردومانكران.
نوێده‌كرێته‌وه….
