كۆمهڵى ئیسلامى: سهرۆكى پهرلهمان ههنگاوینا به ئاراستهى گێڕانهوهى شكۆ بۆ پهرلهمان
لۆگۆى كۆمهڵى ئیسلامى كوردستان | فۆتۆ: SNN
ئەنجومەنى سیاسى کۆمەڵى ئیسلامى کوردستان له بهیاننامهیهكدا كه ئهمڕۆ چوارشهممه بڵاوكراوهتهوه سوپاسى سهرۆكى پهرلهمانى كوردستان و هاوسهرۆكانى یهكێتی كرد بهبۆنهى ههڵوهشاندنهوهى ههڵگرتنى پارێزبهندى لهسهر سۆران عومهر و رایگهیاند: ئهم بڕیاره ههنگاوێكه بۆ گێڕانهوهى شكۆ بۆ سهرۆك و پهرلهمان.
له بهیاننامهكهدا كه كهمێك لهمهوبهر بڵاوكراوهتهوه هاتووه، “بڕیارى سەرۆکى پەرلەمانى کوردستان، بە هەڵوەشاندنەوەى هەڵگرتنى پارێزبەندى لەسەر پەرلەمانتار سۆران عومەر، هەنگاوێکە بە ئاراستەى دروست و راستکردنەوەى بڕیارێکى هەڵە و نایاسایى و نەگونجاو لەگەڵ بارودۆخى نەخوازراوى خەڵکى کوردستان، کە لە چەند قەیرانێکى قورسدا دەژین”.
ئهنجومهنى سیاسى كۆمهڵى ئیسلامى ئهوهشى خستووهتهڕوو، “سوپاسى سەرۆکى پەرلەمان و پشتگیرى هاوسەرۆکان و مەکتەبى سیاسى یەکێتيى نیشتمانيى دەکەین بۆ ئەو بڕیارە، ئەم بڕیارە هەنگاوێکە بۆ گێڕانەوەى شکۆ بۆ سەرۆک و پەرلەمانى کوردستان”.
دوێنێ دووشهممه رێواز فایهق، سهرۆكى پهرلهمانى كوردستان بڕیارى ههڵگرتنى پارێزبهندى له سۆران عومهر، ئهندامى فراكسیۆنى كۆمهڵ له پهرلهمانى كوردستان ههڵوهشاندهوه.
لە دانیشتنی رۆژی 7 ئایاری ئەمساڵ، لەكۆی 111 ئەندامی پەرلەمان 53 پەرلەمانتار دژی هەڵگرتنی پارێزبەندی بوون لەسەر پەرلەمانتاران، بەڵام فراكسیۆنی پارتی لەگەڵ نوێنەری پێكهاتەكانی ناو پەرلەمان بە 57 دەنگ نیسابی یاساییان تەواوكرد و دەنگیان لەسەر ههڵگرتنى پارێزبەندی لەسەر (سۆران عومەر) پەرلەمانتاری فراكسیۆنی كۆمەڵ-دا، به تۆمهتى ناوزڕاندن.
له كۆبوونهوهكهدا سهرۆكى پهرلهمانى كوردستان بهشدارى نهكرد، ههربۆیه كۆبوونهوهكه لهلایهن هێمن ههورامى، جێگرى سهرۆكى پهرلهمانهوه بهڕێوهبرا، چونكه پێشتریش رێواز فایهق، سهرۆكى پهرلهمان لهبهردهم میدیاكان رایگهیاندبوو: “كۆبوونهوهیهك بهڕێوهنابات كه تێیدا لهسهر ئازادى رادهربڕین پارێزبهندى له پهرلهمانتار وهربگیرێتهوه”.
دهقى راگهیهنراوهكهى ئهنجومهنى سیاسى كۆمهڵى ئیسلامى
