فەڕەنسا بە 4 ساڵ زیندانیکردن مامی بەشار ئەسەدی سزادا

SNN-

بەتۆمەتی کڕینی موڵک لەفەڕەنسا بەپارەی سەرچاوە نادیار، دادگای فەڕەنسا سزای 4 ساڵ بەندکردنی بۆ رەفعەت ئەسەد مامی بەشار ئەسەد سەرۆکی سوریا بڕییەوە.

دادگاکە جگە لەبەند کردن بڕی 29 ملیار یۆرۆشی لە پارەی ناوبراو دەستبەسەردا گرتووە سەرەڕای دەستبەسەرداگرتنی موڵکێکی لەشاری لەندەنی پایتەختی بەریتانیا کە بایی 30 ملیۆن دۆلارە.

رەفعەت ئەسەد بەنیاز بووە ئیمبراتۆرییەتێکی موڵکداریی لەفەڕەنسا دروستبکات و بیکات بەناوی خۆیەوە کە بڕەکەی 100 ملیۆن دۆلار بووە وەک دادگاکە باسیکردووە.

ئەو مامەی بەشار ئەسەد لەساڵی 1984ەوە لەئەوروپا دەژی و 4 هاوسەر و 16 منداڵی هەیە و تەمەنی 83 ساڵە، بەهۆی رێوشوێنەکانی کۆرۆنا و دۆخی تەندروستییەوە نەیتوانیوە لەدانیشتنی دادگاییکردنەکەی بەشدار بێت.

ناوبراو خاوەنی دوو کۆشک و 40 شوقەیە لەگەڕەکە ناودارەکای شاری پاریس و کێڵگەیەکی ئەسپ و کۆشکێکی گەورەشی لەشاری لیۆنی فەڕەنسی هەیە.