SNN Sport

ئەمڕۆ پێنجشەممە 18/6/2020 گرنگترین مانشێتی رۆژنامەکانی ئیسپانیا بەمشێوەیە بوو…

مۆندۆ دیپۆرتیڤۆ:

• ئانسۆ فاتی کوڕی زێڕین.
• بەهرەمەندە لاوە 17 ساڵەکە هەمیشە وەڵام دەداتەوە کاتێک پێویستت پێی دەبێت.
• خولی یانە پاڵەوانەکانی ئەوروپا بە شێوەیەکی بچووک لە شاری لیشبوونەی پۆرتوگالی ئەنجام دەدرێت و بە شێوازی خولی ناوخۆیی لە ماوەی 12 رۆژ و لە بەرواری 12 تا 23ی ئاب لە قۆناغی چارەکی کۆتایی و پێش کۆتایی بە شێوازی یەک یاری لە شاری لیشبوونەی پۆرتوگالی ئەنجام دەدرێت.
• بەڵام تا ئێستا بڕیار لەسەر دەستپێکردنەوەی یارییەکانی گەڕانەوەی قۆناغی شانزە نەدراوە.
• ئاتلەتیکۆ مەدرید 5-0 لە ئۆساسۆنا دەباتەوەو بۆ یەکەمجار جواو فلیکس دوو گۆڵ دەکات.
• ریاڵ مەدرید رووبەڕووی ڤالنسیا دەبێتەوەو تاقیکردنەوەیەکی قورسە بۆ مەدرید، دەیەوێت لە پێناو بردنەوەی نازناوەکە بجەنگێت.

سپۆرت:

• سوپەر چامپیۆنس .
• دیارترین پاڵەوانێتی خولی یانە پاڵەوانەکان بە شێوازی یەک یاری و وەکو کۆتایی لە نێوان 8 یانە لە شاری لیشبوونەی پۆرتوگالی لە 12تا 23ی ئاب ئەنجام دەدرێت.
• رۆژی 7 یان 8ی ئاب یانەی بەرشەلۆنە رووبەڕووی ناپۆلی دەبێتەوە  بەڵام تا ئێستا  ئەو یاریگایە دیاری نەکراوە کە یاریەکەی تێدا دەکرێت.
• ئەو 5 گۆڵەی کە فاتی تۆماریکردووە،10 خاڵی بە یانەی بەرشەلۆنە بەخشیوە.
• ناپۆلی ئەنجامی چاوەڕوان نەکراو تۆمار دەکات و لە یاری کۆتایی جامی ئیتاڵیا لە یۆڤانتۆس دەباتەوەو دەبێتە پاڵەوان.
• ئەمشەو ریاڵ مەدرید رووبەڕووی ڤالنسیا دەبێتەوە، مێرەنگی دەیەوێت فشارەکانی بۆ بردنەوەی خولەکە بەردەوام بێت.

مارکا:

• باشترین پاڵەوانێتی لە مێژوودا لە هاوین ئەنجام دەدرێت.
• خولی یانە پاڵەوانەکان لە مانگی ئاب دەگەڕێتەوەو لە قۆناغی هەشتەوە دەستپێدەکاتەوە.
• ئاتلەتیکۆ مەدرید 5-0 لە ئۆساسۆنا دەباتەوەو جواو فلیکس 2 گۆڵ دەکات و گۆڵەکانی تر لۆرێنتی، کاراسکۆ و مۆراتا تۆماری دەکەن.
• ریاڵ مەدرید ئەمشەو لە کاتژمێر 10:00 رووبەڕووی ڤالنسیا دەبێتەوەو وەکو یاری کۆتایی وایە لە یاریگای دی ستیفانۆ.

ئاس:

• یانەی ریاڵ مەدرید بە جیاوازی 5 خاڵ لە بەرشەلۆنە دووردەکەوێتەوە.
• ریگیلۆنی یاریزانی ریاڵ مەدرید کە بە خواستن بۆ یانەی سڤییا یاری دەکات، لە چاوپێکەوتنێکی رۆژنامەی ئاس باس لە رووبەڕووبوونەوەی بەرشەلۆنە دەکات و دەڵێت:” بردنەوە لەو یانەیە هەمیشە دەستپێشخەرییەکی زیادەیە.
• خولی یانە پاڵەوانەکان لە چارەکی کۆتاییەوە لە شاری لیشبوونەی پۆرتوگالی ئەنجام دەدرێت.