یەکەم هەڵبژاردنی سەردەمی کۆرۆنا لەئەوروپا بەڕێوەدەچێت

SNN–

ئەمڕۆ دەنگدەرانی سڕبیا روویانکردە سندوقەکانی دەنگدان بەمەبەستی هەڵبژاردنی پەرلەمانی نوێی وڵاتەکەیان، ئەویش دوای 3 مانگ دابڕانی گشتیی بەهۆی کۆرۆناوە.

لەو وڵاتە نزیکەی 6،6 ملیۆن هاووڵاتی مافی دەنگدانیان هەیە و لەبنکەکانی دەنگدان هەموو رێوشوێنەکانی خۆپارێزیی لەلەڤایرۆسی کۆرۆنا ئامادە کراوە.

هەندێک لەحیزبە ئۆپۆزسیۆنەکان بایکۆتی پڕۆسەکەیان کردووە بەبیانووی ئەوەی ئەلیکساندەر ڤۆچیچ سەرۆکی وڵات کۆنترۆڵی میدیا و زۆرێک لەکایەکانی وڵاتی کردووە.

تازەترین ئاماریش پێیوایە حیزبی گەلی سڕبیی بەسەرۆکایەتی ئەلیکساندەر ڤۆچیچ 50٪ی دەنگەکان بۆخۆی ببات.

تائێستا لە سڕبیا کە ژمارەی دانیشتوانەکەی 7.2 ملیۆن کەسە، 12 هەزار و 803 کەس تووشی کۆرۆنا بوون و 260 حاڵەتی مردنیش هەیە و ئەو وڵاتە لە22ی مانگی ئایارەوە هەموو قەدەغەیەکی بەهۆی کۆرۆناوە هەڵگرتووە.